عدد المساهمات : 86تاريخ التسجيل : 31/10/2011العمر : 34 http://sma-dn.123.st
موضوع: كلمات ألبوم ونغمات" المولد " لمحمد عدوية الأربعاء نوفمبر 09, 2011 8:08 am
كلمات ألبوم " المولد " لمحمد عدوية
1 - المولد
ياليلى ياليلى ياليل الدنيا مولد مغلوب و غالب غالب و مغلوب و اللى بيقع يا عينى بيروح و ينداس الدنيا مولد شايفين ناس اللى راح راح يا قلبى و شكوتك لله ....
المولد مراجيح و عيال و وشوش دراويش عمالة تبوح بكلام مسموح و كلام مكتوب فى قلوب الناس ممنوع يتقال
المولد مليان أحوال و الزحمة ما راح و الليل بيفوت و أنا من عشقى لحكمة ربك فى الملكوت ماشى بسبح رب الخلق و سط الخلق ... ياليلى ياليلى ياليل سهر الغلابة ياليل الليل قول النهار ليه بعادك كتر الليل و ساهرينه الليل ياليل الليل يا ناس ساهرين الليل و أحنا يا عينى ولاد الليل الليل الليل الليل الدنيا و فيها العجب يا ناس
2 - بيسلم عليا
بيسلم عليا بطرف إيديه و ناسى أنه قلبى وش الخير عليه بيقصر كلامه و ده جديد عليا ده كان لما أشوفه بيشيلنى فعينيه
فين أيام ما كان بيستنى جمبى و ينطق كلامه بحنية و كان لما أسيبه بيزعل يا قلبى و كان كل ده كدب عليا ... أدينا أتقابلنا و عينى فى عينيه محنش عليا ولا بكلمة و لو شوفته تانى هسلم عليه و هعمل حساب اللى ما بينا
3 - مش مبين
مش مبين أى حاجة و عمال بتتألم بس دمعه من كتر بكاه على وشه علم
و نارك تعلى نظرة فى التانية فى التالتة هتموت عليا ... مش عاجبنى عينك بتدبل كل أما تعمل مش شايفنى بص فى عينية ده أنت اللى ليا زعلك حبيبى ده بيتعبنى
4 - دى اللى خدتنى منى
دى اللى خدتنى منى و دى اللى بتحسسنى إنى ملكت كل الدنيا ديا عشان لقيتها قابلت كتير و خوفت و قلبى صدقها أما شوفت عينيها قولت ساعتها بس خلاص لقيتها
ببقى هموت و أشوفها و أد إيه بيوحشنى خوفها كسوفها لما بكون واحشها دى دنيا كنت هموت و أعيشها لقيتها بيها حلم حلمت بيه كنت هموت عليه
دى اللى معاها بس بدأت أحس إن اللى فات دلوقتى ممكن بين إيديها فى لحظة يرجع تنسيك أى حد أهى دى اللى تستاهل بجد أنك تعيش ليها الحياة إيه اللى يمنع
5 - اللى ميعرفنيش
اللى ميعرفنيش و يشوفنى يقول مرتاح البال و أما يقرب منى شوية ييجى 100 ألف سؤال
يبدأ يسأل كده عن حالى عـ اللى حصلى و اللى جرالى و أبدأ أفضفض باللى فى بالى أصل أنا عشرى و راضى بحالى ... يوم و التانى و يبعد عنى و ترجع وحدتى من تانى بعد ما كنت أخدت عليه يبعد عنى كأنه ما جانى و أدى الدنيا و أدى عوايدها أدت مرة و مدت إيدها عادى هترجع تانى تاخدها أوعى تعشم نفسك بيها
6 - سابتنى
سابتنى فى عز ما أنا دايب و رضيت تبقى مش ليا سابتنى بعد ما أتعود عليها قلبى و عينية دى سابت فيا جرح كبير مين هيطيبه غيرها دى أخر حاجة فى الدنيا أفكر أنجرح منها
ده حلم يا قلبى و لا كابوس ياريتنا نفوق بقى و نفهم مفيش فى الدنيا دى أحلام بتتحقق عشان نحلم ... تكون جمبك و قدامك و ملك إيديك و علشانك و فجأة تروح قصاد عينك لغيرك و أنت فمكانك ساعات الظلم بيبين حاجات مكانتش بينالك و طعم الغدر بيعلم حبيبك مين و مين خانك
7 - الوردة الدبلانة
بقت عاملة زى الوردة الدبلانة يا عينى عليها و قابلتنى و لما نادتينى و الله زعلت عليها لقيت فى عينيها دموع تتمنى منى رجوع و بصوت مش مسموع من قلبى ببكى عليها محدش خد بإيديها ... معقولة هى ديا اللى كان الفرح مالى عينيها أنا مش مصدق نفسى باعت أجمل ما فيها بإيديها ... كدبة كدبتها هى يا عينى و فضلت عايشة فيها مبقتش حاسس حاجة خلاص من اللى بحس أنا بيها
8 - كان فين الحب
كان فين الحب اللى أنت بتحكى عليه أنا عايش أيامى و عمرى أنا ليك شوق مين أشتاق ليا بإمارة إيه و أنا أخر كلامى بعيد خليك
ليه بتقولى آسف هو أنت مش شايف اللى أنا مش عارف أرجع و أعيش يوم ليك ... أشتاق عمرى ما هفكر أرجع ليك أنا عامل حسابى أنى أبقى ناسيك لا فراق و لا بعد يخلص جرحى أنا فيك دى جراحى و عذابى دوقته على إيديك
9 - مش فارقة
مش فارقة معايا ولا شعر طويل و لا جسم جميل ولا لون العين مش فارقة أنا عايز واحدة تفهمنى و دماغها كبيرة و عاقلة الشكل بيروح لاذم هيروح و حلاوة الروح هى الأبقى ... و أنا هعمل إيه بعيون حلوين لكن باردين و مش حاسين بهوايا أنا عايز واحدة بنظرة عين تعرف أنا إيه جوايا أصل الحلوين فى الدنيا كتير بس الطعمين حاجة مش سهلة ... محتاج لحنان مليان بأمان محتاج أحساس يوصل من غير ما يبان ما هوه كل أدارى ورا الألوان و الروح ما بقتش تبان بس الحلوين بيكونوا حلوين و أهوه كله يبان وقت الزنقة
10 - مدرسة الحياة
فى مدرسة الحياة أتعلمت حاجات كتير شوفت اللى عاش فقير و فى الاخر مات أمير عشان كان عنده حلم بس شبه مستحيل قدر يحققه مستسلمش للبديل أحساس جميل لما توصل و تكسب و الناس بتكدب علشان توصل هتتعب لاذم تفضل صاحى لما تيجى لك فرصة تركب متخليش حد يقف فى طريقك هتسبق و تلحق و اللى يحاول يشوشك و يشتتك عن اللى أنت واثق أنه فى يوم هيسعدك متصدقوش و خليك أد كلمتك مستقبلك جوه قلبك متخليش حد يحبطك و لو وقعت مرة حاول مرة كمان عشان أحنا فى زمان الضعيف مالوش مكان ركز يلا و أنجز مفيش وقت للكلام ده حتى الأكل مالوش طعم لو مكنتش جعان
بتعدى بينا و تلف بينا أيام و أحنا تلاميذ فى مدرسة الحياة ... الحياة زى المدرسة فيها كتير مدرسين و الباقى تلاميذ مش عاجبهم الروتسن اللى بقوا مهندسين و اللى بقوا مجرمين منهم الحقيقى و المزيف و بوشين و السؤال لو متابع الأغنية أنت شارى نفسك و لا بايع القضية أنت دارى بنفسك و لا عايش للتسلية ما أنت عارف نفسك مش محتاج تحليل شخصية أصحى الناس بتجرى حوالينا و أحنا الوقت بيجرى بين إيدينا و نسينا اللى حصل للى تاهوا قبلينا بلاش نغلط زيهم و نفتح عيننا للى جى علينا مهما ان كان مدرسة الحياة و ده معاد الأمتحان و زى ما واحد صاحبى قالها من زمان الحقيقة مسيرها تبان و هنعرفها مع الأيام
و الله و الأيام عدت أوام ياما شوفنا سوا و كبرنا هوا فى مدرسة الحياة
11 - سيبى روحك
سيبى روحك و أرقصى بين إيديا و ألمسى حضنى بإيديكى و أضحكى و على ودنى ميلى و أهمسى
عارفة إيه فى بالى عارفة نفسى فى إيه عايز دلوقتى أشيلك و بيتنا نجرى عليه ... إيدى على إيدك كده ميلى على حضنى كده أنتى و أنا نرقص سوا ع الأرض ولا ع السما قلبى سامعة قلبى و أنتى خدك عليه سامعة كل دقة فاهمة بتقول إيه
12 - تعبك راحة
فين ألقى زى عينيك كنت مستنيك كنت قبل ما أشوفك بحلم بيك مين ده اللى يقدر مين ينسى حب سنين ده اللى بينى و بينك مش ساعتين
تعبك راحة يا حبيبى بعيش معاه أجمل أيام فى سكوتك كلام خلانى أنسى فى يوم كل الكلام لو قولتلى بحبك برضه قليل عليك بحبك ... اللى بحلف بيه عمرى ما أرجع فيه بحلف أنى أنا قلبك و أفضل ليه ياه بنسى أسمى أنا ليه لما تنده بيه بنسى حتى كنت هقولك إيه
13 - مين فينا
مين فينا مش عارف إنه فى يوم هيموت ده العمر مش فارق طب ليه نخاف م الموت أنا مش هخاف و لا يوم هخاف من أى شئ و اللى يخاف فى وسطنا أزاى يعييش مكتوب عليا أمشى فى طريق عكس الطريق و ده دين عليا فى يوم أكيد أنا هوفى بيه
و ده مش هزار ده ضرب نار و لاذم تاخد القرار ده مش هزار ده ضرب نار و مفيش حلاوة من غير نار ... و أجمل حاجة شافتها عينية ضاعت منى مش بإيديا لاذم أسيبها و يبقى نصيبها تعيش العمر تفكر فيا و أبسط حلم حلمته معاها ضاع و كسرها من جواها حتى ما سيبتش ذكرى جميلة تفكرها أن أنا بهواها
موضوع: كلمات ألبوم ونغمات" المولد " لمحمد عدوية 
